Vellukka krypsivmøte

– Vellukka krypsivmøte – Representantar frå heile Setesdal samlast for å feire det mest misforståtte graset i Noreg

VALLE – Etter år med ignorering, nedtrakking og generell uglesjåing, fekk krypsivet endeleg sin revansj då representantar frå Setesdal Krypsivlag samla seg til Krypsivmøtet 2025. Arrangementet fann stad på ei myr med dårleg dekning og høg fuktprosent, akkurat slik krypsivet likar det.

“Me har lenge følt oss oversett,” sa krypsivets offisielle talsgras og ordførar i Valle Kommune, Lars Tarald Myrum, som kommuniserte via vindkast og poetisk rasling. “No er det vår tid. Me krev respekt, plass og kanskje ein eigen realityserie.”

Programmet inkluderte:

• Krypsiv-yoga (der deltakarane låg heilt stille i 45 minutt og prøvde å bli eitt med sivet)
• Siv-speed-dating (der bønder og biologar prøvde å finne sin indre våtmarkspartner)
• Otra Slam Poetry, framført av ein lokal bjor med eksistensielle problem
• Workshop i sivbasert økonomi, der deltakarane lærte å lage kredittkort av tørka siv og betale med “myrpoeng”

Politisk sprengkraft

Ordføraren i Valle, for anleidninga i rolla som offisielt talsgras erklærte at krypsivet no skal få sin eigen plass i kommunevåpenet – mellom krysset, og det andre krysset.

“Krypsivet er limet i vårt økosystem, og i vår sjel.” Sa ordføraren medan han sakte drog ei munnharpe ut av mobildekselet.

Internasjonal interesse

Ein delegasjon frå Sveits dukka opp uventa, etter å ha misforstått invitasjonen som “Swiss Crypto Summit”. Dei vart verande etter å ha smakt lokal krypsiv-te og fått tildelt kvar si sivfløyte med inngravera stev til hyllest for akkurat Setesdal og krypsivet.

Kunstpause

Ein lokal kunstnar presenterte verket “Siv, svik og sau”, ein installasjon der ein sau står på ein plattform av krypsiv og skrik “Kvifor?” med jamne mellomrom. Publikum vart rørt, forvirra og lett allergiske.

Neste år?

Arrangørane vurderer å utvide med Krypsivfestivalen 2026, inkludert konsert med bandet “Myrskum og Mold”, silent disco i sump og konkurranse i “krypsiv-curling”.

Avslutning

Møtet vart avslutta med felles meditasjon der alle låg i sivet og lytta til lyden av ein bjor som tygde på ein plastpose. Det var, ifølgje deltakarane, “transformerande, vått og litt kløande”.

Me vonar at leiaren i Krypsivlaget også i framtida vil vere open for både ein kaffikopp og ei god røe!