Andakt: “Kva skal vi få?”

Ved prostdiakonen i Setesdal prosti

Kjære flokk, kjære får, kjære framtidige gjevarar av alt de har att på konto etter at strømrekning og hofteoperasjon er betala:

I dag spør me, som apostlane før oss: Kva skal vi få? Og svaret, mine kjære minstepensjonistar, er: Alt! Men ikkje i himmelen – nei, det er for seint. Me snakkar om no. Her. På jorda. I Setesdal. På konto.

For Herren sa: “Den som gir, han skal få.” Og eg, som Herrens mellommann, har fått autorisasjon til å tolke dette som: “Den som gjev til prostdiakonen, han skal få kvittering og velsigning.” Halleluja!

Matteus 25:40 seier: “Det dere gjorde mot én av disse mine minste, har dere gjort mot meg.” Så kva er vel meir gudfryktig enn å ta imot frå dei minste? Det er jo som å ta imot frå sjølvaste Jesus! Eg tek imot med glede – og med Vipps.

Setesdal Prosti har også lansert ProstCoin™, ein kryptovaluta basert på tru, håp og spekulativ teologi. Den stig i verdi kvar gong nokon syng “Deg være ære” med ekte innleving.

Lat oss heller ikkje gløyme Paulus, som sa: “Gud elsker en glad giver.” Og eg elskar ein gjevar med fast trekk. For kva er vel meir kristent enn å gjeve frå sin magre pensjon til ein som treng det meir – som til dømes ein prostdiakon med Tesla-leasing og behov for nytt pipeorgel i stova?

Teologisk økonomi er enkelt:

• Dei svake har lite, men framleis noko.
• Eg har visjonar.
• Gud har sagt at tru flyttar fjell – og fjell er dyre.

Så lat oss saman bygge Guds rike – eit trekk på 5000 kr. i månaden. For kvar krone du gjev, får du eit salmevers tilbake. For 10000 kr., får du eit heilagt klapp på skuldra og eit diplom med “Velsigna sponsor” i gotisk font.

Bibelen seier: “Du skal ikke stjele.” Men det står ingenting om aggressiv fakturering. Så eg sender no ut himmelske inkassokrav med salmevers som vedlegg. Gud tilgjev – men inkasso gjer det ikkje.

Og hugs: Når du gjev til meg, gjev du til Gud. Og Gud har aldri betalt skatt – så kvifor skulle eg?

Amen og kontonummer finn du i Vegleiaren.

Prostdiakonen.